Hmeichhe Ordination thu ah inrawnkhawmna nei
Presbyterian Church of India (PCI) atanga lehkha hmuh bawhzuiin ‘Women's Ordination’ chungchanga inrawnkhawmna hi nimin khan neih a ni a, he hun hi PCI-a Administrative Secretary Rev. Dr. B. Lalnunzira chuan kaihruaiin Serchhip Bialtu vawngtu Pastor K. Ramdinthara chuan hunserh hmangin Mizoram Synod-a Sr. Executive Secretary Rev. VL. Luaia Hranleh chuan inlawmna thu a sawi a. Hemi hnu hian ‘Hmeichhe Nemngheh-Bible Thuchah leh Pathian thu chhui-zauna atanga thlirna’ tih leh ‘Hmeichhe Nem-ngheh-Hnam zia leh Kohhran atanga thlirna’ tih te chu zirho a ni a, sawihona neih nghal a ni bawk.
He inrawnkhawmna ah hian Mizoram Presbyterian Kohhran hnuaia Kohhran tin aiawhte, Minister leh Pro. Pastor te tel tura beisei an nih angin an tel a, Serchhip khaw chhunga Pastor Bial bakah Thenzawl, Chhiahtlang leh Keitum Bial atangin Minister, Pro. Pastor, Kohhran aiawh pakhat bakah Bial tin atangin KTP leh Kohhran Hmeichhe aiawh mi pahnih ve ve an tel a ni. He inrawnkhawmna hi Zone 3-ah neih tura ruahman a nih angin May 26, 2026 khan Kolasib Venglai-ah neih niin May 27, 2026 khan Youth Recreation Centre, Aizawl-ah neih a lo ni tawh bawk.
He Inrawnkhawmna hi PCI huaihawt-a neih niin PCI General Assembly-a hmeichhe nemngheh chungchang thurel bawhzuina a ni a; PCI chuan Women Ordination chungchangah Synod tinte inrawnkhawmna nei turin a ti a. Heng Inrawnkhawmna a ngaihdante chu PCI General Assembly-ah ngaihtuah leh tur niin nimin-a he inrawnkhawmna ah hian PCI atangin Sub-Committee on Women’s Ordination-a Chairman Rev. DC. Haia leh a thawhpuite pawh an rawn kal a ni.
Comments
Post a Comment
I ngaihdan i sawi hian mipui ngaihdan i tarlang a ni!