UPC-NEI Serchhip Dinthar Bial Silver Jubilee lawm
UPC-NEI Serchhip Dinthar Bial Silver Jubilee lawmna hi nizan hmasa khan UPC Serchhip Dinthar Biak In-ah neih tan niin nimin khan a lawmna pui ber hi neih a ni a. Nimin chawhma dar 10:30 khan an Biak In Tual-a Jubilee hriatrenga lung an phun chu Aizawl East District-a Superintendent Rev. R. Laltlankima chuan hawngin hemi hnu hian Jubilee dar vawi 25 vuak a ni. Hemi hnu hian Biak In-ah Inkhawm neih zui niin Bialtu Pastor, Rev. K. Lalhmingmawia chuan a kaihruai a, District Mission Director Rev. C. Lalmalsawma chuan Souvenir tlangzarhin Bial Secretary, Upa F. Lal-thangfala chuan report a pek bakah District Superintendent Rev. R. Laltlankima hnen atangin thuchah ngaihthlak a ni bawk.
Nizan khan Jubilee lawmna Inkhawm hi neih chhunzawm niin UPC-NEI a General Superintendent Rev. Zohmingthanzama chuan thuchah a sawi bawk a, he Jubilee hmang tur hian Aizawl lam atangin hruaitu thahnem tak an rawn kal bakah Bial chhung leh Bial pawn atangin Kohhran mi thahnem tak an tel a ni.
Comments
Post a Comment
I ngaihdan i sawi hian mipui ngaihdan i tarlang a ni!