Tanpuina dawng turin chhungkaw 10 thlan an ni

Zonuna Kawlni /

National Family Benefit Scheme (NFBS) hnuaia Serchhip District atanga tanpuina dawng thei tur thlangin nimin khan District Bawrhsap hovin thutkhawm neih a ni.
 Serchhip DC Meeting Hall a thutkhawm hi Bawrhsap, Paul L. Kuma chuan kaihruaiin National Family Benefit Scheme (NFBS) hnuaia tanpuina leh chhawmdawlna dilna thehlut chhungkaw 26 te atangin chhungkaw 10 chu tanpuina leh chhawmdawlna dawng tura thlanchhuah an ni a. Member-te chuan diltu hrang hrangte dinhmun uluk taka an thlirho hnuah he thutlukna hi an siam a ni.

National Family Benefit Scheme (NFBS) hi chhungkua, eizawngtu berin a boralsan te chhawmdawlna atana duan a ni a. Chhungkaw pakhat tan Rs. 20,000/- zel vawikhat tanpuina (one-time grant) pek an ni thin a. He tanpuina dawng theite hi Below Poverty Line (BPL) chhungkua an nih a ngai a, eizawngtu boralta chu kum 18 leh 60 inkar an nih a ngai a ni.

Nimin-a thutkhawm ah hian DRDO Project Director Dr. Malsawmtluanga Fanchun; SDO (Sadar) Rebecca Laldinmawii Hrahsel; SDC Vanthangpuia leh District Social Welfare Office aiawhte bakah NGO, Sub-Hqrs. YMA, Mizoram Upa Pawl (MUP) leh MHIP hruaitute an tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »