Serchhip District-ah CM Rubber Mission kalpui a ni dawn

Serchhip District-a CM Rubber Mission kalpui a ni dawn a, hemi atana hmalak dan tur inhrilhfiahna chu nimin khan Land Resources, Soil & Water Conservation Department chuan Serchhip Hmar Veng YMA Hall-ah an buatsaih.
    Nimin-a he hun hman hi LR,S&WC Serchhip-a Range Officer Jonathan Lalchhanmawia chuan kaihruaiin Serchhip District-ah hian hectare 100-a zau ah chhungkaw 81 in Rubber chin hi an kalpui dawn a, Rubber ching turte hi an hriat tur pawimawh hrang hrangte chu District Soil Conservation Officer C. Lalthazuala chuan a hrilhfiah a ni. He hunah hian DSCO kaihhruaina hnuaiah Serchhip District Rubber Growers’ Association hruaitu tur thlanna neih nghal a ni a, President-ah JH. Laldingliana (Tuikhuah Veng); Vice President-ah R. Vanlaldula (Vengchung) leh Neihduhsama (Thenzawl); Secretary-ah LR. Bawlliana (Bazar Veng); Asst. Secretary-ah C. Lalsangzuala (AOC Veng) leh Lalsanghnuna (Thenzawl); Treasurer-ah Zoramthanga (Keitum) leh Fin. Secretary-ah C. Lalhmunsanga (Dinthar Veng) te thlan an ni.