POL leh LPG dinhmun tha

Zonuna Kawlni /

Mizoram Sawrkar chuan khawthlang ram indona thleng mek avanga eirawngbawlna Gas leh tuialhthei-a harsatna thleng thei lakah Mizoram Sawrkar chuan ngawrh takin hma a la reng tih sawiin, tun dinhmunah eirawngbawlna Gas leh tuialhthei chu Mizoram-ah a thleng tha a, mipui tan chiai-na tur a awm lo tih an sawi a. Sawrkar tarlan danin nimin April ni 7, 2026 thleng khan Mizoram-a LPG Distributor hrang hrangah Domestic (14.2 Kg) bur 13,801 a awm a, kawng laka thang mek bur 25,608 nen a vaiin bur 39,409 awm ang a ni a. Commercial (19Kg) chu Distributor-ten bur 512 an kawl bakah kawng laka thang mek nen avaiin bur 824 a awm a. Petrol pawh Filling Station-ah Kilolitre 1289.80 awmin, kawng laka thang mek Kilolitre 373 nen a vaiin Kilolitre 11662.80 awm ang a ni a. Diesel chu Filling Station-a Kilolitre 1,492 awmsa bakah kawng laka thang mek Kilolitre 435 nen a vaiin Kilolitre 1,927 awm ang a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »