VC 18-te Computer sem

Mamit District Bawrhsap Suvigya S Chandra chuan nimin khan Mamit District chhunga Village Council 18 te hnenah Computer Set a sem a, District Bawrhsap chuan VC 18 te hnena Computer set sem a ni chu lawmawm a tih thu sawiin, a dawngtu VC te pawhin hmasawnna leh tunlai changkanna mil zela hnathawhna tur niin chumi tur pawh chuan Sawrkar pawhin a beisei thu a sawi a, khawl hmang tangkai thei tura mahni pawh inzir turin Village Council te chu a chah a ni. Nimin a Computer an sem te hi Rashtriya Gram Swaraj Abhiyan (RGSA) scheme atanga sem niin Mizoram chhunga Village Council zawng zawngte pek vek tum niin a tahtawlin sem mek zel a ni a. Sawrkar chuan Village Council te chu khawtlang mipui rawng an bawlna kawngah tunlai Computer technology thiamna hmanga tangkai taka hna thawk turin a ngen a ni.