Mizoram UPC Inkhawmpui nei

Zonuna Kawlni /

United Pentecostal Church (UPC) Mizoram Serchhip Bial Inkhawmpui vawi 31-na chu Zir-tawpni zan atanga nimin Pathianni thleng khan Mizoram UPC Zoar Biak In, New Serchhip-ah neih a ni. Mizoram UPC Serchhip Bial Inkhawmpui hi Zirtawpni zan khan Bialtu Pastor, Rev. Saienga Sailo chuan hlanna neiin tan a ni a, Inrinni khan Rorel Inkhawm neiin Inrinni zan atang khan thupui thlan bik awm lovin Speaker hrang hrangte hnen atangin thuchah ngaihthlak thin a ni a, nimin chawhnu lam Member boral sunna hun an hmang bawk a ni. Mizoram UPC Serchhip Bial-ah hian Tualchhung Kohhran panga an awm mek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »