Minister hlui in thiam a chang

Zonuna Kawlni /

Mizo Carbon atanga thamna dawng anga puh Minister hlui Zodintluanga chu District Court Aizawl chuan nimin khan thiam a chantir. Kum 2017 September 1-a 'Hruaitu Arsi' chanchinbu chhuak ah khatihlai-a Minister, Aizawl Tuikual-a cheng Zodintluanga hi Mizo Carbon atangin hlawkna hmu anga a chungchang ziah a nih avanga lungawi lovin khatihlaia he chanchinbu Publisher M.C. Lalrinthanga, Khatla South leh Editor Lalthanzama Hnamte, Khatla South te lakah 18.09.2017 khan FIR a thehlut a. April 24, 2018 khan he thubuai hi ngaihtuah tanin kum 8 a liam hnuah Court chuan thutlukna a siam a, Zodintluanga Ralte hi Court chuan nimin khan thiam a chantir a, he chanchinbu a thu ziaktute hi District Court, Aizawl chuan lung In tan aiah pawisa a chawitir nia thudawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »