Thing kit tura hmalakna dodal

Centre for Environmental & Social Justice (CESJ) chuan Aizawl Bazar Bungkawn leh Dâk Inpui inkar kawng tihzauhna tura sawrkarin Aizawl Lammual chhehvel kawngpui hnaih a ding thing engemaw zat kih tura hma a lakna chu dodalin, nimin leh niminpiah khan thingkit tura sawrkarin a rawih te an dang.

    Hemi chungchang ah hian CESJ Working Chairman Vanramchhuangi chuan sawrkarin thing kit zâwnga kawngpui tih zauh a tumna chu tha lo an tih thu a sawi a, kawngpui zau tha leh nuam chu anni pawhin an duh tho rualin, helai hmun zîmte a thing 176 lai kawng tihzauh nana kih hian Aizawl khawpui traffic tawt a tihziawm phah an rin loh thu a sawi a. Sawrkarin thing kih tur a chhin-chhiah 176-te hi venghim turin thih huamin an tang dawn tih sawiin, India ramah thing humhalha hmalakna lian tak tak a lo awm tawh a, Assam Rifles-in Lammual leh a chhehvel an chhuahsan hma deuh khan thing awmzat chhiarna an neih thu a leh thing 480 vel an chhiar zingah khawvela thing vâng tak tak leh boruak tha (oxygen)pe chhuak hnem tak takte pawh a awm thu a sawi a. A tul chuan Court hial pawh an kal dawn thu a sawi bawk.