MCAB hmalakna thlirlet

Zonuna Kawlni /

Mizoram Cooperative Apex Bank (MC-AB) Ltd. Board of Directors Meeting chu nimin khan Aizawl-a Head Office-ah neih niin kum 2025-2026 Financial Year chhunga Bank sum dinhmun leh hmalakna  hrang hrang an thlirlet a, Loan chi hrang hrang – Biak In Loan,  Handholding, Society Loan leh mimal Loan chi hrang hrang, a vaiin cheng nuai 2254 chu pek remtih  nghal a ni. Heng bakah hian Mizoram chhunga PACS hrang hrang enzui leh enkawltu Committee din a ni a.  Khawpui chhunga mipui ten Bank pan kher lova nitin sum an khawl theihna tura pawisa lamtu -  Pigmy Deposit Collector dilna pawh pawmpui a ni. MCAB hian Branch 35 nei mekin ATM 45 an nei a, kum kalta chhung khan Profit cheng vbc. 40 neiin CD Ratio chu 69% a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »