HPC-D (LF) haw dan tur rel

Hmar People’s Convention (Democratic) - Lalhmingthang’s Faction (FD) te rawn haw dan tur ngaihtuahin nimin khan Home Minister K. Sapdanga hovin a Pisa-ah Mizoram DGP, Home Secretary, PHQ, GAD, Law & Judicial, Finance, DIPR, Aizawl Bawrhsap leh Home Department leh PHQ hotute bakah Sakawrdai SDO (Civil) te an thukhawm a. Ruahman lawk dan chuan April ni 14, 2026 khian Mizoram sawrkar leh HPC-D (LF) te hian Sakawrdai-ah inremna thuthlung ‘Memorandum of Settlement’ an ziak ang a, a tuk April ni 15, 2026-ah Mizoram sawrkarin an awm lailawkna tura a ruahmanah an insawn anga. April ni 30, 2026-ah CTI-Sesawngah silai tungin an ralthuamte an surrender bawk ang. He hun hman tur atana pawimawh hrang hrangte chu nimin thutkhawm ah hian sawiho a ni.