High School leh Higher Secondary School hawng tan

Kum 2026-2027 Academic Session atan Mizoram-a High School leh Higher Secondary School te chu nimin atang khan an lut tan ve leh ta.
Mizoram sawrkar School Education Department in kum 2026-2027 High School leh Higher Secondary School Academic Session chu nimin, April ni 1, 2026 atanga tan tura a tih angin nimin khan Mizoram hmun hang hranga High School leh Higher Secondary School te chuan zirna In an hawng tan a, hetihrual hian Private School engemawzat te pawhin nimin khan School an hawng tan bawk a. Zirlai leh Zirtirtute chuan School kaiin inhlan-tharna hun an hman bakah School thenkhat chuan an School hmunhma leh a chhehvel tihfai hnatlang an nei bawk a, Zirtirtuten zirna hawn tan ni ah hian an zirlaite lo hmuakin, an lo dawngsawng bawk a, zirna In tanni ah hian hun tha tak an hmang a ni.

Kum 2026-2027 High School Academic Session ruahman dan chuan First Term exam leh result puan chu July ni 7 atanga July ni 17, 2026 chhunga peihfel hman tura tih a ni a. Second Term chu July ni 21-a tan tura tih October ni 19 atanga October ni 30 chhungin Second term Exam leh Result puan neih tur a ni ang. Third Term hi November ni 3-ah tanin December ni 21, 2026 atanga January ni 5, 2027 inkar chu Thlasik chawlh atana tih a ni a. Third Term Exam leh Result puan hi January ni 18, 2027 atanga January ni 29, 2027 chhunga tihfel tur niin HSLC examination chu February 2027 chhunga buatsaih tur a ni bawk ang.