Cricket Tournament-ah Serchhip Champion zo lo

Zonuna Kawlni /

Serchhip-a khelh ‘5th Inter-District Cricket Tournament’ chu Inrinni khan khelh zawh niin Saitual DCA chuan a thlengtu Serchhip DCA hnehin an Champion ta.
 Mizoram-a District hrang hrangte Cricket-na inelna hi Inrinni khan Serchhip Sports Complex-ah Final khelh niin Serchhip DCA leh Saitual DCA te an inhmachhawn a, Toss-a chak Serchhip DCA in vuak hmasak thlangin Overs 19-ah run 79 chauh siam theiin Wicket an hloh vek a. Hei hi tun Tournament-a run siam thei tak Saitual DCA tan umphak harsa tur niin a lang lo a, Overs 16.1-ah Wicket hnih chiah hlohin an target hi an umphak a, Wicket 8 in hnehna an chang a, a tum khatna atan ‘Inter-District Cricket Tournament’ Champion an ni ta a ni.

Tun tum Tournament-ah hian Saitual DCA tana khel Sahil Reza chu ‘Player of the Tournament’ atan thlan a nih bakah ‘Best Batsman’ atan thlan a ni bawk a, Serchhip DCA tana khel Suraj Singh chu ‘Best Bowler’ atan thlan ni bawkin Saitual DCA tana khel Zorinpuia Pachuau chu Emerging Player of the Tournament atan thlan a ni bawk.

Inter-District Cricket Tournament-ah hian Kolasib District chu tum hnih Champion tawhin Champion tam ber an ni a, Serchhip, Lunglei leh Saitual District te tum khat theuh an Champion ta bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »