Cricket-a hlawhtlinna lawmin CAM Awards sem a ni

Zonuna Kawlni /

Cricket Association of Mizoram (CAM) chuan tunhnaia Mizoram Team in hlawhtlinna an chan hrang hrang lawmna leh '3rd CAM Awards' semna hun nizan hmasa khan an hmang.

CAM hian YRC, Falkland-ah he hun hi hmangin tunhnaia Mizoram Cricket Team te hlawhtlinna hrang hrang- BCCI hnuaia Women's Under-23 One Day Trophy Plate Champion te, NECDC Women's Under-23 Tournament Champion leh NECDC hnuaia Men's Under-19 Tournament-a Runners up nihna te an lawm a. He hunah hian Champion Team te hi lawmpuina Thuziak (Certificate) hlan an nih bakah lawmpuina sum pek an ni a, Runner up Team te Thuziak (certificate) hlan an ni bawk.

Hemi rual hian 2025-2026 Season-a player tha te hnenah '3rd CAM Awards' sem nghal niin Ramhlun Venglai tlangval Joseph Lalthankhuma chu ‘Men's Cricketer of the Year’ atana thlan niin New Chalrang nula Jacinta Laltanpuii chu ‘Women's Cricketer of the Year’ atana thlan a ni bawk a. Men's Junior Cricketer of the Year-ah Malsawmzela, Tlangnuam; Women's Junior Cricketer of the Year-ah Vanlalruatpuii, Tlang-nuam Vengthar; Emerging Player of the Year (Boys)-ah Henry Lallawmzuala, Zemabawk; Emerging Player of the Year (Girls)-ah Vanlalremruati Pachuau, Electric Veng leh Umpire of the Year-ah Lalrambuatsaiha, Bawng-kawn West te thlan an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »