AMC-ah Home Voting tan

Tun thla ni 21-a Aizawl Municipal Corporation (AMC) Inthlanpui neih tur atan nimin khan Home Voting chu neih tan a ni a, Home Voting-ah hian kum upa te leh damlo natna khirh bik nei bakah pianphung a rualbanlo Polling Station pan theilo te tan an In lamah Vote thlak theih a ni a, tunkar Ningani thleng kalpui a ni ang. Home Voting ni hmasa ber-ah hian nimin zing khan District Election Officer’s Office, Aizawl atangin Vote thlakna tur hmanrua te chu Municipal Ward tina Municipal Returning Officer ten General Observer hriatpuina in Strong Room atangin an pechhuak a. Home Voting hi AMC Ward 19-ah kalpui vek tur a ni a, Ward tinah Home Voting Team pakhat theuh awmin, Home Voting ti tura dilna lut 2769 a awm a, ni 4 chhung a vote thlak hi zawh hman tura ruahman a ni. Hriat theih chinah nimin-a Home Voting a Vote thlak upa ber chu kum 102-a upa Nghakliani, Dawrpui Veng niin Ward-IX ah Vote a thlak a ni.