Ambulance hlan leh a ni

Reliance Foundation chuan Formosa Foundation, India kaltlangin Central YMA hnenah Ambulance hlanin heng te hi nimin khan Aibawk-ah Chhimphei Group YMA leh Hmuifangtlang Group YMA kutah hlan a ni a, hemi hmalam hian Chalfilh Group YMA hnenah an lo hlan tawh bawk a ni. Nimin vek khan Convention Center, Lunglei-ah Zobawk Group YMA, Pangzawl Group YMA leh Chawngte Group YMA bakah MTP Sub-Headquarters, Tipa V leh YLA Sub-Headquarters, Sangau te hnenah Ambulance hi hlan leh a ni bawk.

Formosa Foundation, India Chairman Jonathan Lalremruata chuan phut let leh beisei let nei lova CSR (Corporate Social Responsibility) hmanga hma la an nih thu sawiin, ram leh hnam tan luanchhuah zel an tum thu a sawi a. Reliance Foundation kaltlang hian ruihhlo dona atana hman tur Mahindra Bolero Campers 9 chu Central YMA chuan a lo dawng tawh a. Central Sawrkar pawhin lirthei 9 dang YMA hlan tura hma a la mek tih Central YMA hruaitute chuan an sawi bawk a ni.