Thuneitute hnena hriattir turin DC in a chah

Zonuna Kawlni /

Serchhip District Bawrhsap chuan a hmun lova bawlhhlawh paih chu thuneitute hnena hriattir turin a chah.
    Hemi chungchanga thuchhuah a siam ah Serchhip District Bawrhsap chuan Serchhip Zawlpui kawng, Thenzawl panna kawng leh hmun hrang hrangah dân lova bawlhhlawh paih an awm thin tih hriat a nih thu leh a paihna tur hmun lova bawlhhlawh paih chu dânin a khap tlat thu leh 'The Mizoram Solid Waste Management Bye Laws 2018', Schedule 1 No. 4.1 in a sawi angin Rs. 5,000 thleng chawitir theih a nih thu a sawi a. “Bawlhhlawh paih thintute hria emaw, lo hmu emaw chuan Deputy Commissioner Office leh UD&PA Office Serchhip-ah evidence (thlalak, video clip etc.) nen a report theih reng a, a report tu hming, veng leh nihna thup sakin lawmman siamsak an ni ang. Report hi VANTLANG VILTU app kaltlang pawhin a pek theih reng a ni,” a ti.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »