Vohbik leh kum 60 chunglam tan Camp neih a ni dawn

Tun thla ni 16 atanga 20 chhung khian Serchhip District-ah Vohbikte leh kum 60 chin chunglam tan Camp buatsaih a ni dawn a, an mamawh bungrua chi hrang hrang dil theih a ni ang.
    Hemi chungchanga sawrkar thuchhuah tarlan danin he Camp hi March 16 leh 17-ah East Lungdar-ah neiin ni 18 leh 19-ah Serchhip CMO Conference Hall leh March 20-ah Chhingchhip Community Hall, Mualpui-ah te neih a ni dawn a. Hearing Aid, Braille Kit, Sugamya Cane, Smartphone with screen Reading, Walking Stick, Wheel Chair, Rollator, Tetrapod, Tripod, Crutch, Wheelchair with commode, Cerebra aral or Chair, Spinal Support, Knee Brace leh Silicon foam te dil theih a ni ang. Heng bungrua dil duh te tan Adhaar Card (Xerox Copy), UDID Card for PwD (Xerox Copy), Income Proof Original VC atanga lak, Passport Size Photo leh Hearing Aid dil tan Audiogram/Audiologist Report (Xerox Copy) te thil tel tur a ni ang.