Thalai hna zawng LESDE-a inziaklut an thahnem

Labour, Employment, Skill Development & Entrepreneurship (LESDE) Department-ah thalai hna zawng lai inziaklut mi 21,090 an awm mek.

  LESDE in a chhinchhiah danin sawrkar kum kal mek 2025-2026 ah February 4, 2026 thleng khan thalai hna zawng lai inziaklut mi 3,420 an awm a, heng te nen hian Mizoram pumah hna zawng inziaklut mi 21,090 an awm tawh a ni. Hna zawng inziaklut hi Aizawl District-ah tam berin kum kal mek chhungin mi 1,614 an inziaklut tawh a, Aizawl District a inziaklut zawng zawng hi mi 10,485 an awm tawh a ni. Lunglei District-ah kum kal mek chhungin mi 285 an inziaklut a, an vaiin mi 2,743 inziaklut an awm a. Siaha District-ah kum kal mek chhungin mi 87 inziaklutin an vaiin mi 590 inziaklut an awm tawh a. Champhai District-ah kum kal mek chhunga inziaklut mi 183 awmin an vaiin mi 1,074 inziaklut tawh a. Kolasib District-ah kum kal mek chhungin mi 301 inziaklut tawhin an vaiin mi 1,324 an inziaklut tawh bawk.

  Serchhip District-ah kum kal mek chhungin thalai hna zawng mi 225 an inziaklut tawh a, Serchhip District chhunga hna zawng LESDE a inziaklut tawh zawng zawng zat chu 1,173 an tling a. Lawngtlai District-ah kum kal mek chhungin mi 108 inziaklut awm tawhin, an vaiin mi 552 inziaklut an awm tawh a. Mamit District-ah kum kal mek chhunga inziaklut mi 146 awmin an vaia inziaklut zat chu mi 917 an tling tawh bawk a. Saitual District-ah kum kal mek chhungin mi 147 inziaklut tawhin, an vaia inziaklut zat chu mi 753 an ni.

Hnahthial District-ah kum kal mek chhunga inziaklut tawh zat chu mi 135 niin, an vaiin mi 701 inziaklut an awm tawh bawk a, Khawzawl District-ah kum kal mek 2025-2026 chhungin hna zawng inziaklut mi 189 awm tawhin, an vaia inziaklut tawh zawng zawng zat chu mi 778 an tling tawh bawk a ni.