Serchhip District Jail-ah tang mi 72 an awm mek

Zonuna Kawlni /

Serchhip District Jail-ah nimin tlai thleng khan mi 72 tang awm mekin an zingah hian nu te tan avanga tang naupang pakhat a awm a ni.
 Prison Department chhinchhiahna atanga a lan danin mi 128 tan theihna District Jail, Serchhip-ah hian nimin tlai thleng khan tang mi 72 awm mekin an zinga 66 chu mipa niin hmeichhia tang 5 an awm a, heng bakah hian nu te an tan avanga tang ve naupang pakhat a awm bawk a ni. Serchhip District Jail-a tang mek zingah hian thubuai ngaihtuah lai mi 38 awmin heng te hi mipa 34 leh hmeichhia pali te an ni a, thubuai ngaihtuah zawh tawh leh an thubuai a thiamloh changa tang mek mi 33 awmin an zinga 32 te chu mipa an ni a, hmeichhia pakhat chu thiamloh chantir a awm bawk a ni.

Serchhip District Jail-a tang mek zingah hian damchhunga tang tura chungthu rel awm lovin an thubuai-a thiamloh chang tawh zingah pawh hian hrehawm taka tang tura chungthu rel an awm lo bawk a ni.

Mizoram-ah hian Jail hmanlai 10 awm mekin mi 1496 te tan theihna tura ruahman a ni a, nimin tlai thleng khan tang mipa 1485 leh hmei-chhia 186 awmin nu te tan avanga tang naupang 22 an awm bawk a, heng te nen hian tang mi 1693 awm mekin hei hi tang thei tura ruahman zat aiin 503 in an tam zawk a. Jail hrang hrangte zingah Central Jail Aizawl, Women Jail Aizawl, District Jail Aizawl, District Jail Lunglei leh District Jail Champhai-ah te chuan tang thei zat tura ruahman aia tam an tang bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »