Sairang to Vairengte kawng siamtu ten hna an thawk tha tih PWD Minister in a sawi

Zonuna Kawlni /

PWD changtu Minister Vanlalhlana chuan Sairang to Vairengte kawng siam mek thawktute'n an thawh that ang reng thu a sawi.

Nimin a Assembly thutkhawm ah MNF Member K. Laldawngliana zawhna chhangin Vairengte to Sairang kawng chu NHIDCL-in an lak tawh thu PWD Minister chuan sawiin, “An hnuaia Contractor-te'n an thawk tha ang reng. March leh April chho velah te zawh an tum hlawm. Zo tawhte pawh an awm,” a ti a. Khamrang to Sairang kawng chu NHIDCL kawng ni mah se nikumah mipuiin harsatna an tawh thu sawiin, “Mipuiin harsatna an tawh avangin NHIDCL kawng ni mah se, kan chet a ngai,” a ti a, kawng siamna atan hian mihring tha leh cheng vbc. 7 vel an sen thu a sawi.

PWD Minister Vanlalhlana chuan kum 2024-2025 leh 2025-2026 inkar chhungin PMGSY-III sanction a nih thu sawiin, “Kawng 17 sanction a ni. A specification-in a sawi angin PMGSY-III hi kawng awm sa upgradation and maintenance a ni a, kawng paruk ah formation cutting a awm. Kum 2024-25 leh 2025-26 chhung hian State Share nen senso chu cheng vbc 39.95 a ni,” a ti.

Hei bakah hian PWD Minister chuan ZPM Member T Lalhlimpuia zawhna chhangin Quality Control Research & Development Division-chuan tun dinhmunah PWD-in quality an maintain theihna turin bungrua/hmanrua a neih that tawk rih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »