Ruihhlo ngai pual Gospel Camping neih thlirlet a ni
.jfif)
He thutkhawm hi Organising Committee Chairman leh Addl. DC, Lalrinzuala chuan kaihruaiin Pathian kaihhruaina zara tluang taka Gospel Camping an buatsaih zo thei ta chu lawmawm a tih thu sawiin, hemi atana Khawtlang, Kohhran, NGO, sawrkar Department hrang hrangte leh mipuite thawhhona chu lawmawm a tih thu a sawi a. Pathian zarah Camping atana an mamawh te pawh an mamawh ang zela an hmuh thu sawiin,he Camping a hlawhtlin theihna tura thawktu zawng zawngte chungah lawmthu a sawi bawk a ni.
He huna tarlan a nih danin tun tuma Gospel Camping-ah khan a tirah Campers Mipa 502 leh hmeichhia 49, an vaiin mi 551 awmin a tawp thlenga awm mipa 422 leh hmeichhia 41, an vaiin mi 463 an awm a. Camping hi Febraury 9 atanga tanin February 20-ah an chhuak a, hemi zan atanga February 22 zan thlengin Follow-up Programme an hmang chhunzawm leh bawk a ni.
He Camping neihna atan hian a tirah chuan Budget cheng nuai 9 vel ruahman niin ruahmanna an siam thar ah cheng nuai 13 vel ruahman leh a ni a, amaherawh chu beisei lawk aia tam Campers awmin a tawp thlengin cheng nuai 20 vel hmuh niin cheng nuai 18 vel hmanral a ni a. Tuna sum an hmanbang te chu ruihhlo dona atana tangkai taka hman turin Camping buatsaihtu, Nasha Mukt Bharat Abhiyaan (NMBA) Serchhip District-ah thehluh leh nise an ti bawk.
Serchhip District huap Ruihhlo ngai pual Gospel Camping Organising Committee chuan he Camping a hlawhtlin theihna tura sum leh pai, tha leh zung thawhtute zawng zawng chungah lawmthu sawiin, an hmalakna te chu document felfai tak siama vawn that nise an ti bawk.
Comments
Post a Comment
I ngaihdan i sawi hian mipui ngaihdan i tarlang a ni!