Mizoram-a MPS Post 148 awm ah 130 luah a ni

Zonuna Kawlni /

Mizoram Police Service (MPS) Grade hrang hrang ah post 148 awmin heng zinga 130 chu luah khah a ni.

Nimin-a Mizoram Legislative Assembly thutkhawm ah Member te zawhna chhangin Home Minister K. Sapdanga chuan The Mizoram Police Service Rules, 2025 in a tarlan angin Mizoram Police Service (MPS) Grade hrang hrang a post neih zat chu 148 a nih thu tarlangin, heng bakah hian Junior Administrative Grade (JAG)-ah Unencadred post 3 a awm bawk tih a sawi a. Mizo-ram Police Service (MPS) Grade hrang hranga Post awm zat tarlangin, Supertime Grade ‘A’-ah pakhat, Supertime Grade ‘B’-ah 2, Selection Grade 14; Junior Administrative Grade 11; Senior Grade 30 leh Junior Grade 90 te a ni.

Mizoram Police Service (MPS) Grade hrang hranga Post luah khah zat pawh Home Minister chuan tarlangin, Supertime Grade ‘A’, Supertime Grade ‘B’, Selection Grade, Junior Administrative Grade leh Senior Grade te chu hnawhkhat vekin Junior Grade-a Post awm 90 zinga 72 te hnawhkhah a ni a, Junior Administrative Grade a unencadred post 3 pawh hnawhkhah a ni bawk. Home Minister chhanna a tarlan a nih danin Junior Grade of MPS-a post 90 awm hi Direct Recruitment leh Promotion Quota in 50/50 in an insem a, Direct Recruitment quota chan post 45 atang hian post ruak 18 a awm mek a. MPS lak thar leh tumna a awm thu pawh a tarlang bawk.

Home Minister chuan Mizoram State-in IPS post a neih zat chu post 24 a nih thu pawh tarlangin, “IPS post 24 te hi luah khah vek a ni,” a ti bawk.

Hei bakah hian Home Minister chuan tunhnai kum 5 chhungin Mizoram Police 672 an thih thu pawh zawhna chhanga sawiin, an thih chhan tam ber chu Cancer leh Thin Ro a ni tih a sawi a. Police thihna ti tlem tur hian theihtawp an chhuah thu leh nikum hmasa atang khan taksa hriselna an uar thu pawh a sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »