Minister in tlangzarh

Cooperation Department changtu Minister PC. Vanlalruata chuan nimin khan a Pisa-ah Cooperation Department Logo thar leh Mizoram State Cooperative Policy a tlangzarh a. Department dangte nena thawhhona tha neih a pawimawh thu Minister chuan sawiin, Commissioner & Secretary Cooperative Society lama tui mi leh hna thiam tak an nei chu vanneihthlak a tih thu a sawi bawk. He hunah hian Cooperation Department  Commissioner & Secretary, Udit Prakash Rai chuan Logo leh policy chungchang report pein, Cooperative Society-te chuan Department hrang hrang kaihhnawih hna an thawh thin avangin Cooperation Department chu Mizoram sawrkar Department dang zawng zawng nena inthlunzawm tlat a nih thu a sawi bawk. He hunah hian Registrar of Cooperative Societies John L.T. Sanga chuan Cooperation Department-in hma a sawn nasat zia leh State Cooperative Policy hi State pathum chauhin an la neih thu a sawi bawk.