IAF dawr tawh lo tih sawi

Zonuna Kawlni /

General Administration Department (GAD) changtu Chief Minister Lalduhoma chuan Lengpui Airport chungchangah Indian Air Force (IAF) nen an indawr tawh loh thu sawiin, “Airport Authority of India (AAI) nen kan indawr fel dawn hnaiah kan ngai,” a ti.

Nimin-a Assembly thutkhawm zawhna leh chhanna hunah BJP Member K. Hrahmo zawhna kal zelah Chief Minister chuan Lengpui Airport chungchangah IAF leh AAI te nen sawrkar hmasa atanga indawr a nih tawh thu sawiin, “IAF an offer a tha a, AAI lam an offer a chhe hle. Mahse, tlawmngai pawl leh Political party lamin AAI hnena hlan zawk nise an tih avangin IAF nen indawrna a kal tawh lo,” a ti a. AAI lamin an bengkhawn that duh loh thu sawiin, “Min ngaihthah a, kan lehkha te pawh an chhang tha duh lo. Kan bei a dawng. Union Home Minister Amit Shah a rawn zinin, Thlawhtheihna ah Guwahati thleng kan chuang thla dun a, AAI hnena hlan turin Union Civil Aviation Minister-te nen sawiho a rawt a ni. Mahse, sawihona hun a awm mai lo,” a ti a. Chief Minister chuan nikum khan Itanagar-ah Civil Aviation hotute nen an indawr thu sawiin, “Kan thutlukna angin a kal chiah lo. Civil Aviation Ministry kut nimah se, a thu tak tak chu Union Home Ministry an ni. Union Home Minister duh danin thil a kal a, building hlutna min pe dawn a, an chhut mek,” a ti a, tlawm lutuka awlsam taka AAI hnena Lengpui Airport hlan chu an duh loh thu a sawi bawk.

AAI lamin Lengpui Airport enkawl an chak loh thu sawiin Chief Minister chuan, “Union Home Minister an hlauh vang mai maiin lak an tum. An hnenah hlan mahila, an enkawl thei chuang lo anga, midang kutah an hlan tho ang. An kuta awm mek pawh an enkawl seng lo. Chuvangin, midang hnena an hlan dawn chuan Mizoram sawrkar phalna a ngai tih inremna tura kan duh. Hei hi an duh lo hle. Kan indawr fel dawn hnaiah kan ngai,” a ti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »