Boruak tha lo inmung a awm hriat a ni lo tih sawi

Zonuna Kawlni /

Home Minister K. Sapdanga chuan Assam inthlan dawn avangin boruak tha lo inmung a awm loa an hriat thu a sawi.

Nimin-a Assembly thutkhawm zawhna leh chhanna hunah MNF Member Lalchhandama Ralte zawh belhna chhangin Home Minister K. Sapdanga chuan, “Tunhnai ah Border Out Post (BoP) hnuhdawh a awm loin ka hria. Kan hnuhdawh hnuhnung ber chu kum 2023-ah a ni a, chu pawh a hmunhma siamthat a ngaih avang a ni. An luah leh theih thuai kan beisei. BoP zawng zawng puan kaih ni thin rangvain kan thlak,” a ti bawk.

Home Minister K. Sapdanga chuan ramri-ah boruak tha lo a awm lohna atan ramri bul DC-te chu an hnaih DC-te nen inbe tura hriattir an nih thu sawiin, “Infiamna leh Cultural Meet-te neiho tura tih an ni a, an zawm tha viauin kan hria. Tun thleng chuan Assam inthlan dawn avanga boruak tha lo inmung a awm kan hre lo,” a ti a, ramri-ah buaina a awm lohna atan theihtawp an chhuah zel thu a sawi bawk.

Tunhnaia Saiphai ram Assam lamin an vah chungchangah Home Minister chuan, “Kolasib DC-ah complaint a lut a, kan hriat veleh Kolasib DC leh SP-te a hmunah an kal nghal a, BoP atangin darkar li ke-a kal ngai a ni. Tin 70 atanga 80 vel an vat turah kan ngai. A vattute zawn a ni a, Silchar DC hnenah kan thlen nghal. Vat tawh pawh nise, chhunzawm tawh lo turin kan ti. Silchar DC pawhin zawm a tiam,” a ti.

MNF Member K. Laldawngliana zawhna Home Minister-in a chhan danin, tun dinhmunah Police Officer motor dawng 150 an awm a. Mizoram-a Police Station hrang hranga Motor awm zat chu 113 a ni a. Police Station 44-a motor awmte chu an buai dan a ziririn a enkawltu tur Driver awm zat tur chu District SP-te'n ruahmanna felfai tak an siam thin a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »