Aizawl-ah NERPC hnuaia TCC Meeting neih a ni

North Eastern Regional Power Committee (NERPC) hnuaia Technical Coordination Committee (TCC) Meeting vawi 31-na chu nimin khan Aizawl-a KTP Youth Resource Centre-ah neih a ni.

North Eastern Regional Power Committee (NERPC) hnuaia Technical Coordination Committee (TCC) Meeting hi P&E Department-a Engineer-in-Chief, Er. J.H. Malsawma chuan kaihruaiin TCC Chairman Pansngiat Sun-i chuan ram mawi leh nuam tak Mizoram-a TCC leh NERPC meeting an nei chu lawmawm a tih thu a sawi a. Renewable energy lamah mahni kan intodelha hma kan sawn zel a pawimawh thu sawiin, he huna kalkhawmte chu Power Sector-a kan than zel theih nan an ngaihtuahna senga, sawihona hlawkthlak tak nei turin duhsakna a hlan a ni.

He thutkhawmah hian NER Member-te Power Sector-a tunlai thamna leh khawl chhuakthar lama zirna neih tur chungchangte, chatlak lova kawlphetha kan neih theih dan turte, North Eastern Region-a Power lama thawhhona tha zawk neih dan turte leh harsatna kan tawh mek leh a sutkian dan turte sawiho a ni.

TCC Meeting hi India North East Region-a Power Sector-a Organization hrang hrangte inkawmkhawmna niin, North-East Region-a Power Sector kalphung siamthatna leh Grid Operation tha zawk siam nan hmalakna pawimawh tak a ni a. Kumin NERPC leh TCC meeting hi Power & Electricity Department, Government of Mizoram in a thleng a. NE State hrang hrang atangin Utilities/Company/organization 25 he an tel a ni.