VVP II Action Plan thlirho

Zonuna Kawlni /

Serchhip District atanga Vibrant Villages Programme II (VVP II) atana khaw thlan pasarih te Draft Action Plan chu nimin khan Serchhip-ah Bawrhsap Paul L. Khuma hovin thlirho a ni.
 Tarlan tawh angin Serchhip District chhunga khaw pasarih- Serchhip RD Block hnuaiah Keitum khua leh East Lungdar RD Block hnuaiah North Mualcheng, Lungkawlh, Bawktlang, North Vanlaiphai, Leng leh Sailulak te chu Vibrant Villages Programme II (VVP II) atan hian thlan an ni a. Heng khaw hrang hrangte tana ruahmanna chipchiar siam tur hian Line Department te chu Team a thendarh niin Team Leader pakhat theuh ruat an ni a. Team tinin an chanpual khua te tana hmasawnna proposal an siam te chu VVP-II Guideline thlir chungin Action Plan an duang a ni.

Heng Action plan an siam te hi District Committee ah uluk taka enho niin siam that ngai lai leh ennawn ngai te chu sawiho a ni a. Plan siamtu Team Leader ten VC te leh Technical mite rawn chungin siam that tul te siamthat nise an ti a. Heng an rawtna hrang hrangte hi District Committee chuan uluk taka enzuiin a thuphungin a pawm phawt a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »