UPC-NEI Bial Inkhawmpui nei

United Pentecostal Church (UPC-NEI) Aizawl East District Serchhip Bial Inkhawmpui vawi 60-na, Diamond Jubilee chu nizan atang khan Electric Veng UPC Biak In-ah neih tan a ni a, nizan khan District Superintendent Rev. R. Laltlankima chuan Inkhawmpui hawnna neiin Palai lawmna neih a ni a, Vawiin hian Rorel Inkhawm neih zui a ni ang. Zanin atangin Inkhawm neih zui leh a ni anga, naktuk chawhnu-ah Sacrament Inkhawm neiin Inkhawm apiang hian Sermon ngaihthlak thin a ni ang. Nizan atang vek khan Serchhip Dinthar Bial UPC-NEI Inkhawmpui vawi 25-na pawh UPC Bungtlang Bazar Biak In-ah neih tan a ni bawk a, Speaker atan Bialtu Pastor Rev. K. Lalhmingmawia hman niin nizan khan Inkhawmpui hawnna neih a ni a, Vawiin hian Rorel Inkhawm neiin zanin atang hian Inkhawm apiangin Speaker hnen atangin Pathian thuchah ngaihthlak a ni ang.