Thla 9 chhungin Mizoram tlawhtu khualzin 6,79,607 awm; Foreign tourist-ah Myanmar an tam
Tourism Department tarlan danin kum kal mek, 2025-26 chhungin Mizoram tlawhtu khualzin tam berte chu ram chhung atanga kal (domestic tourist) niin mi 6,70,001 an tling a. December, 2025-ah khualzin tam berin 1,32,375-te chu ramchhung atanga lokal niin rampawn atanga (foreign tourist) kal mi 1,145 an awm a ni. April, 2025-ah Mizoram tlawhtu khualzin domestic 67,240 leh foreign tourist 632 awmin, May, 2025-ah domestic 54,083 leh foreign tourist 298 an awm a. June 2025-ah domestic 46,740 leh foreign tourist 1,197 awmin. July, 2025-ah domestic 50,254 leh foreign tourist 1,650 an awm a, August-ah domestic 62,312 leh foreign tourist 1,518 an awm bawk. September, 2025-ah domestic 65,187 leh foreign tourist 693 awmin October 2025-ah domestic 94,866 leh foreign tourist 1,358 an awm a, November 2025-ah domestic 96,944 leh foreign tourist 1,115 awmin December 2025-ah domestic 1,32,375 leh foreign tourist 1,145 an awm bawk.
Kum kal mek (April - December) chhunga ram pawn atanga Mizoram tlawhtu khualzin mi 9,606 awmin an zingah Myanmar atanga khualzin tam berin mi 7,441 an awm a, USA atanga khualzin rawn kal 573 awmin, Japan atanga tlawhtu mi 234 an awm bawk a, hengte hi ram pawn atanga Mizoram tlawhtu tam zualte an ni bawk.
Kum liam ta, 2024-25 chhung khan Mizoram tlawhtu khualzin 5,24,784 an awm a, kum dang zawng aiin an pung a. Chung zinga mi 5,911-te chu ram pawn atanga kal (foreign tourist) an ni a, rampawn atanga Mizoram tlawhtu zingah USA atanga kal an tam ber a. Hetihlai hian Mizoram sawrkara Tourism Department-in a pawm ‘tour guide’ mi 89 an awm tawh a, chung mite chu khawpui bakah thingtlang hmun hrang hranga mite an ni.
Comments
Post a Comment
I ngaihdan i sawi hian mipui ngaihdan i tarlang a ni!