State Day of Prayer 2026 hman a ni leh dawn

Tun thla ni 20 khian ‘State Day of Prayer’ chu hman leh tura ruahman niin Serchhip District-a he hun hman dan tur ngaihtuah hian nimin khan Bawrhsap hovin mi pawimawh te an thukhawm.
Serchhip DC Meeting Hall-a thutkhawm hi District Bawrhsap Paul L. Khuma chuan kaihruaiin State puitlinga Mizoram hlankai ni, Mizoram State Day - February ni 20 hi Mizoram tana tawngtai rualna ni, State Day of Prayer atan hman thin a ni a. Kumin ah pawh hian Mizoram State Day of Prayer Committee in ruahmanna a siam angin Mizoram chhung hmun hrang hrangah hman a ni leh dawn a. Serchhip District a hman dan tur ngaih-tuaha nimin-a thutkhawm hi Aizawl atanga rawn kal State Day of Prayer (SDP) Member ten an hmanpui a. Tlawmngai pawl hrang hrang hruaitute bakah Kohhran hruaitute an tel a ni.

Serchhip District-ah chuan ‘State Day of Prayer’hmanna pui ber hi Serchhip khawpui ah neih nise, District chhung khaw tinah hemi ni hian Kohhran zing tawngtai inkhawm thupui-a telh theuh tura ngen nise aan ti a. A hmanna Prog-ramme duang tur leh kengkawh turin Working Committee chu din nghal niin Kohhran hruaitute kaihhruaina hnuaiah pawl hrang hrang leh Serchhip District Administration kengkawhtu Official te he Committee member tur hian ruat an ni.

He Meeting hian Nasha Mukt Bharat Abhiyan (NMBA) Serchhip kaltlangin District pum huap Gospel Camping neih mek a nih avangin he Camping-a Tawngtai Pawl te nen tanghoin, State Day of Prayer pawh hi anni nena inthuruala hun hman dan zawn nise an ti bawk.