Rajya Sabha MP in President leh PM-ah thlen

Mizoram Rajya Sabha MP K.Vanlalvena chuan Inrinni khan Prime Minister Narendra Modi leh President Droupadi Murmu te hnenah Mizoram-a Indian Air Force te hmunhma lei chungchanga thil dik lo awm te chhui tu tur Central Investigating Agency te tirlut tura ngenna a thehlut. Rajya Sabha MP K. Vanlalvena chuan ram venhimna atana thil pawimawh Mizoram chhunga din chu Mizo mipuite'n an pawm tih sawiin, chutih laiin mi hlemhle leh pamham ten diklo taka sum an siamna hmanrua atan Mizoram leilung hman chu an rem tih loh thu Prime Minister leh President te hnenah hian ziakin a thlen a. Mipui pawisa, Central sawrkar sum Indian Air Force te tana ram lei dan a thil dik lo awm zawng zawngte chhui chhuak a,dikna hailan a nih ngei theih nan Sawrkar laipui hnuaia dan bawhchhiatna chhuitu -central investigating agency te hnena a rang thei ang bera thupek siam turin Prime Minister leh President te chu a ngen a ni.