Eight Schedule-a Mizo tawng duh turin thlen tum

Mizo Language Development Board (MLDB) Chairman R. Lallianzuala chuan kumin hian Eight Schedule-ah Mizo tawng sengluh a nih theih nan sawrkar laipui-ah ziakin an thlen dawn tih a sawi.

MLDB Chairman R. Lallianzuala chuan Akashvani News Aizawl zawhna chhangin, MLDB a din tirh atangin India Danpui huangah Mizo tawng dahluh chu an thil tum hmasa zinga mi a ni tih a sawi a, a thuneitu sang chu Home Ministry an nih angin Union Home Minister hnenah ngei ziaka thlen an tum tih a sawi a, ziak bakah tawngka pawhin an thlen dawn tih a sawi bawk. MLDB hian Eight Schedule-a Mizo tawng sengluh a nih theih nan hian zirchianna an lo nei fo tawh a, Mizoram chhunga tlawmngai pawl bakah zirlai pawl leh tawng lama thahnemngai intelkhawm hrang hrang an be kual tawh a, an vaiin an inlungrual niin a sawi bawk.

India Danpui Article 344 (1) leh 351 chuan kum 1950 khan a hmasa atan tawng hrang 14 a lalut a, chumi hnuah lakluh belh zelin tun dinhmunah tawng hrang 22 a pawm tawh a ni.