Chief Minister hnenah thlen

Zonuna Kawlni /

Serchhip Town Joint Village Council hruaitute chuan niminpiah khan Chief Minister Lalduhoma chu a Pisa-ah hmuin Serchhip Tuikhuah Veng-a lei tlahniam chungchang an thlen a. Serchhip Joint VC hruaitute chuan nikum May thlaa Serchhip Tuikhuah Veng-a lei tlahniam-a kawngpui chhut bal chu a min leh palh a nih chuan kawngpui han siam lehna tur a awm tawh loh thu leh a chhak lama BCM Serchhip Biak In pawh chim mai thei a nih thu te leh Biak In thlanga In nei te tan pawh a hlauhawm theih dan te an thlen a. Chief Minister chuan an thu thlen hi lo ngai pawimawhin Disaster Management & Rehabilitation Department hotute be nghalin, Fur ruahtui tlak hma ngeia helai hmuna Retaining Wall siam a nih theihna tur hmala turin a ngen a ni. Serchhip Joint VC hian CM Relief Fund-ah Rs. 10,000/- an chhunglut bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Naktuk-ah Mock Drill nei dawn

Zonuna Kawlni /
Image
Naktuk (January 15, 2026) khian Serchhip khawpui chhung hmun hrang hrangah chhiatrupna lo thlen thulha chhanchhuah leh chhawmdawlna hna thawh dan a tak anga tihchhinna neih a ni dawn a, hemi chungchang ah hian nimin khan Bawrhsap hovin thutkhawm neih a ni.
Kimchang zawkin »