Budget Session neih tan a ni

Mizoram Legislative Assembly 9-na thutkhawm vawi 6-na leh Budget Session ni bawk chu nimin khan neih tan a ni ta a, thla thar March 16 thleng a awh ang.

Nimin-a Assembly Budget Session tan ni hian Larsap Gen. Vijay Kumar Singh chuan Member te hnenah thu sawiin, Larsap thusawi chungchanga lawmthu sawina Motion chu Lunglei South Bialtu MLA leh ZPM Member Lalramliana Papuia chuan pulutin hemi hnu hian Speaker, Lalbiakzama chuan thutkhawm neih chhunga Panel of Chairman tur mi 4- V. Mal-sawmtluanga, Dr. K. Beichhua, VL. Zaithanzama leh R. Rohmingliana te puangin nimin thutkhawm hi tihtawp zui a ni.

Ruahman lawk ang chuan Vawiin hian thutkhawm hi neih chhunzawm leh a ni anga, hun hmasa lamah ram hruaitu lo ni tawh boral te sunna hun hmangin zawhna leh chhanna hun hman zui a ni anga, hemi hnu hian nimin-a Larsap in House chhunga thu a sawi chungchanga lawmthu sawina Motion putluh chu sawiho a ni ang.