Bharat-VISTAAR hawnna hun KVK atangin lo zawm

Zonuna Kawlni /

Bharat Mandapam (Pragati Maidan), New Delhi-a ‘The India AI Impact Summit 2026’ neih mek denchhena ‘BHARAT-VISTAAR’ hawnna chu niminpiah khan Union Minister for Agriculture & Farmers’ Welfare Shivraj Singh Chouhan hovin neih a ni a, he hun hi KVK Serchhip pawhin North Vanlaiphai-a KVK Complex atangin biakhmuh theihna hmanga lo zawm a ni.
State Institute of Agricultural Management (SIAM), Durgapura, Jaipur (Rajasthan)-ah ‘BHARAT-VISTAAR’ hawnna hi neih a ni a, North Vanlaiphai KVK Conference Hall-a he hun lo hman ah hian KVK Serchhip District-a Sr. Scientist & Head, Dr. T. Vanlalngurzauva chuan Bharat-VISTAAR chungchang sawifiahin, kuthnathawktute tana a hlutna a sawi bakah lo hmang tangkai turin a fuih bawk a. Helpline number 155261-ah tunah hian Hindi & English-in a biak theih a, tawng dang 11 a rawn theih thuai a ni bawk ang.

Bharat-VISTAAR tih hi Bharat-Virtually Integrated System to Access Agricultural Resources tihna a ni a, zawhna te chhangtu AI hi Bharati tih a ni bawk a. He project lian tak Bharat-VISTAAR hi Union Finance Minister Nirmala Sitharaman-i’n Union Budget 2026-27 a pharh takah khan a puang a, Budget-ah cheng vbc. 150 dah a ni. ‘Mihring te tana rawn theih khawl thian’ tia sawi he hmalakna thar hian loneitute tan rem-channa nasa tak a thlen thei dawn a, khawchin mil-a thlai chin dan tur te, natna leh rannung enkawl dan te, lei leh thlai chungchang te, thlai zawrhna rate leh sawrkar Schemes te a hriat theih dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »