Parking Fee khawn enfiah

Sairang Railway Station-a mipui zin veivak motor lut leh chhuak te atanga Motor Parking Fee khawn chungchanga harsatna thleng chu nimin khan Congress thalai, Mizoram Pradesh Youth Congress Committee (MPYCC) chuan an President Laltawnliana hova tlawhin an enfiah a. Parking fee khawn chu Mizoram mite kutah awm angin lang mah se hnamdang license hmanga Tender hi chhan a nih thu leh kum 3 chhungin cheng nuai 70.07 chuang an chhunluh a ngai nia sawiin, Mizoram-ah Mizo leh hnamdang insumdawn tawmna kan huat em em laia Rel Station-a hnamdang leh Mizo an inkawp chu an hrethiam lo tih an sawi a ni.