National Workshop neih ah RD Minister a tel

NITI Aayog hmalakna in tun thla ni 8 leh 9 khan National Workshop on ‘Sustaining Innovation: Embedding R&D in State Institutions’ chu Tamil Nadu-a Coimbatore-ah neih niin Rural Development & Administration Department Minister Prof. Lalnilawma pawh a tel a. He Workshop-ah hian thupui hrang hrang sawiho a ni. A ni hnihna-a Technical Session – ‘Linking Grassroots Innovation to State Policy’ tih sawihona chu Minister Prof. Lalnilawma chuan kaihruaiiin hemi thupui bikah thuhma sawina leh a tawpa khai-khawmna hun a hmang a. Thuneitu sang zawk ten a hnuai lamte (grassroots) mamawh nia an ngaih angin thil tha tak tak siamchhuak thin mah se, grassroots level-a a hmang tangkai tur tak takte nen a tir atanga inrawn leh sawiho a awm thin loh avangin kan tangkai pui thin lova. Chuvangin innovation, a bik takin grassroots level-a kan kalpui dawn a nih chuan, a tirte atanga a chhawr tangkai turte nen sawihoa ruahmanna kan siam a ngai tih sawiin, “Hei hi Sawrkar laipui leh State Sawrkar-te pawn kan theihnghilh ngai tur a ni lo,” a ti bawk.