Khua la vawt zel dawn

Khawchin thlirlawkna atanga a lan danin tunlai a khawvawt chuan Mizoram District zawng zawng a la tuam dawn.
    Indian Meteorological Department sawi danin kumin January ni 4 atang khan Mizoram District zawng zawngah Temperature tlahniamin khua a vawt zual a, ni engemaw zat chu khaw vawt zual hian ala tuam dawn nia ngaih a ni. Hemi avang hian Disaster Management & Rehabilitation Department chuan District tina Deputy Commissioner-te chu khaw vawt vanga mipuite chunga harsatna thleng thei laka inveng tura hmala turin a hriattir a. Khaw vawh zual laiin mipuite chu inthuam lum tur leh khawvawt lutuk hmuna awm tam lo turin a chah a. Khawvawt avanga taksaa nawmlohna nei an awm chuan damdawi In pan vat turin an chah bawk a ni.