Viksit Bharat Young Leaders Dialogue-ah tel dawn

Vawiin January 9, 2026 atanga tun thla ni 12 chhung khian New Delhi-a Bharat Mandapam-ah ‘Viksit Bharat Young Leaders Dialogue 2026’ chu neih a ni dawn a, Serchhip District atangin mi 16 an tel dawn a ni.
Viksit Bharat Young Leaders Dialogue (VBYLD) 2026-a Serchhip District atanga tel turte hi tun thla ni 6 khan Serchhip Bawrhsap Paul L. Khuma chuan Govt. Serchhip College atangin a vailiam a, Bawrhsap chuan Viksit Bharat Young Leaders Dialogue, 2026-a tel turte chu an chanvo tur leh inpuahchahnate sawipuiin, sawrkarin hetiang ang hun remchang a siam sak avanga an lawm thu an sawi. Midang nena inthianthatna leh inkungkaihna tha siam kawnga midang entawn ni tura Bawrhsap chuan fuihin, tluang taka hun hmang tura duhsakna hlanin a vailiam a ni.

Viksit Bharat Young Leaders Dialogue (VBYLD) 2026-ah hian NYK tia hriat thin, My Bharat (Mera Yuva Bharat) chuan thalai 29 tirin Govt. Serchhip College atang hian Hnam lam entir turin Phunchawng Cultural Club atangin mi 13 an kal a, heng bakah hian mimal intihsiakna a tel tur mi pakhat leh anmahni hruaitu mi pahnih an kal a ni.