DM&R Minister in tlawh

Zirtawpni kalta (January 9, 2026)-a Sihphir Neihbawih-a quarry chimna hmun chu nimin khan Disaster Management & Rehabilitation Minister Prof. Lalnilawma chuan a hmunah tlawhin chhiatna thleng chu pawi a tih thu leh chhiattawk te a tawrhpui thu a sawi a. Helai hmuna hna thawk mektu Sihphir khawtlang leh Central YMA bakah sawrkar Department QRT leh NDRF te chungah lawmthu a sawi bawk. He Quarry chim hian mi pali a delh nia hriat a ni a, Manipur lam mi Muana chuan nunna chanin hliam tuar mi pakhat chu damdawi In-ah enkawl mek a ni a, midang pahnih te chu quarry chiam hian a chhilh nia hriat niin tun thlengin zawn mek an la ni a, heng mite hi Chakma leh Jharkhand State mi nia hriat an ni. He vanduaina thlenna hmun hi Home Minister K. Sapdanga leh EF&CC Minister Lalthansanga te pawhin an lo tlawh tawh a ni.