CSPOC vawi 28-na ah Assembly Speaker a tel

New Delhi-a Parliament House Complex Central Hall, Samvidhan Sadan-ah nimin khan 28th Conference of Speakers and Presiding Officers of the Commonwealth (CSPOC) neih tan niin Prime Minister Narendra Modi chuan a hawng a, Mizoram atangin Assembly Speaker Lalbiakzama leh Deputy Speaker Lalfamkima bakah Addl. Secretary Lalthangmawia te an tel a ni. Conference of Speakers and Presiding Officers of Commonwealth (CSPOC) hi kum 1969 khan a vawikhatna atan neih niin tun tum hi a vawi 28-na a ni a, India in tum li (4) a thlenna a ni.

He Conference hmang tur hian Commonwealth ram hrang hrang 53 atangin Palai thahnem tak an rawn kal a, Conference chhung hian thupui 5 sawiho tur chhawpchhuah niin nimin-a a hawnna hun hi Lok Sabha Speaker Om Birla chuan a kaihruai a ni.