CSR atangin SC sa dawn

Lawngtlai Bawrhsap Cheemala Siva Gopal Reddy IAS chuan IRCON ten Corporate Social Responsibility (CSR) kaltlanga Lawngtlai District chhung Zochachhuah-a Health Sub-Centre an sak tur lungphum chu Inrinni khan a phum a, IRCON te hmalakna fakawm a tih thu sawiin, CSR hman tangkaina kawng hrang hrang zingah hriselna lama hman a ni thin chu chin tha tak a ni, a ti a. A bik takin ramri a awmten an chhawr tangkai dawn hle tih a sawi bawk. Lawngtlai DC hian Zochachhuah Primary School tlawh nghalin, School Buiding, Zirtirtu leh Zirlaite dinhmun a enfiah bawk.