Zirlai titha chawimawi

Aizawl West-II Bialtu MLA leh Minister Lalnghinglova Hmar chuan nimin khan a Bial chhunga zirlai tithate chawimawina hun a Pisa ah a buatsaih a, he hunah hian mi 6 te hnenah lawmpuina thuziak leh Rs. 10,000/- theuh a hlan a ni. He hunah hian Minister Lalnghinglova Hmar chuan an Bial chhungah zirlai titha chawimawi tur an nei chho zut chu lawmawm a tih thu sawiin, Zirlai titha lawmpui chu hlawhtlinna dang ang ni lovin hmalam pana ke pen lehna tur awm zel a nih avangin a aia sang zawk thleng tura an beihna tur chauh a nih thu a sawi bawk.