School Games neih tan a ni

Tunkar Zirtawpni thleng awh tur ‘Mizoram Higher Secondary School Games’ vawi 22-na chu nimin khan Aizawl-ah neih tan a ni a, tun tumah hian Sports Discipline chi 7-Athletics, Football, Volleyball, Taekwondo, Inkawibah, Kalchhet kal leh Inhruipawh-ah te inelna neih tur niin Aizawl khawpui chhunga infiamna hmun hrang hrangah inelna neih a ni ang. Kumin-a Mizoram Higher Secondary School Games-ah hian Aizawl-a zirna In 12 leh khawpui pawnlam atangin zirna In 16 atangin Zirlai 1500 vel leh Zirtirtu mi 200 vel an tel a ni.