Zirlai naupangte hnenah intiamna zungbun hlan a ni

Beti Bachao, Beti Padhao (BBBP) hnuaia Women & Child Development Department in Serchhip-a School an adopt, Govt. High School Serchhip-a zirlaite hnenah nimin khan 'Promise Ring' sem a ni.
Nimin-a Sub-Hqrs. YMA Hall, Serchhip a 'Promise Ring' semna hunah hian Women and Child Development Department-a Joint Director leh Serchhip DPO mawhphurhna la mektu Sailopari chuan he hmalakna an kalpui dan sawiin, zirlaite chu ruihhlo laka an fihlim tur te, mipat hmeichhiatna hmankhawloh laka fihlim tur leh an zirlaite tha taka an zir theihna tura an intiamna avanga he Zungbun hi pek tur an nih thu a sawi a, nimin-a hun hman ah hian zirlaite hian an intiamna thu hi chham rualin Serchhip Bawrhsap Paul L. Khuma chuan zirlaite hnenah zungbun hi a hlan a, an intiamna chi hre reng turin a chah bawk a ni.

He hunah hian WCD Department-a Joint Director chuan School an adopt tan hian Computer Set khat (1) leh Lehkhabu chhiar tur chi hrang hrang an pek tawh thu sawiin, hmachhawp an la neih zingah zirlai naupang harsa zual te Admission Fee tum sak leh Mathematics subject a harsatna nei te tan Tuition pek leh tum a nih thu te a sawi bawk a ni.