District Transformation Programme thlirhona nei

Serchhip District Transformation Programme kalpui mek chungchang ngaihtuahin nimin khan Serchhip-ah District Bawrhsap Paul L. Khuma hovin thutkhawm neih a ni.
He thutkhawm Serchhip DC Meeting Hall-a neih ah hian Addl. DC Lalrinzuala chuan District Baseline Profile chung-chang sawizauin, Department hrang hrang ten an hmalakna tur leh hmathlir ziahlan loh an neihte kimchang zawka ziahlan dan tur inhrilhfiah a ni a. District Bawrhsap Paul L. Khuma chuan rua-hmanna (plan) siam nan data kimchang leh rintlak kan neih a pawimawh thu sawiin, Mizoram District Transformation Programme in a tum ang ngeia plan tha an buatsaih theih nan Department te tangho turin a sawm bawk.

He thutkhawm ah hian Department hrang hrang hotute telin, District Baseline Profile chang-tlung siam a nih theih nan District hmasawnna tur hmathlir (vision) leh data kimchang zawkin December 5, 2025 ralhma ngeiin thehluh leh nise  an ti bawk a ni.

District Transformation Programme hnuaiah hian District dinhmun zirchianna, ‘District Baseline Profile’ (DBP) leh District chhung hmasawnna tur hmathlir, ‘District Transformation Vision’ (DTV) te chu District tin te duang tura beisei an ni a. Sawrkar laipui leh State sawrkar kaltlanga hmasawnna hna thawh tur hrang hrangte chu hemi mil hian kalpui thin a ni tawh dawn a ni. Department dang nen thawhhona tha (convergence) awm theihna tur leh khawtlang hmasawnna tur hma lakna thar te chu ngaih pawimawh a ni ang.