ZDU Serchhip Golden Jubilee lungphun hawn a ni

Lirthei khalhtute pawl Zoram Drivers’ Union (ZDU) Sub-Hqrs. Serchhip kum 50 tlinna, Golden Jubilee hriatrengna lungphun chu Inrinni, Nov. 29, 2025 zing khan Serchhip Bawrhsap Pual L. Khuma chuan a hawng.
ZDU Sub-Hqrs. Serchhip Golden Jubilee hriatrengna lungphun hawnna hi Serchhip Tuikhuah Veng a ZDU Office-ah neih a ni a, Bawrhsap chuan ZDU Member kalkhawmte chu Golden Jubilee puala chibai bukin, pawl nung tak leh chak tak an nih zel theihna turin duhsakna a hlan a. Eng pawl ah pawh hruaitute mawh-phurhna a san thu sawiin, Sawrkar Dan te pawh an hriat bel a tul thu sawiin, an hmalakna te pawh Dan hnuaiah zel kalpui a pawimawh thu a sawi bawk a ni.

Zoram Drivers’ Union (ZDU) Sub-Hqrs. Serchhip hi kum 1975 khan din a ni a, kumin hian kum 50 tlingin hemi hriatrengna lungphun hawnna hun hi an President H. Malsawma chuan a kaihruai a, Asst. Secretary Lalthlanthanga Chawngthu chuan an pawl chanchin te a tarlang bawk a ni.