Nikum (2024)-a ASF vanga Vawk thi te hnenah zangnadawmna pekchhuah fel a ni tawh
Serchhip District-a AH & Vety Office in an chhinchhiah danin Mizoram-a ASF thawh thumna, nikum (2024) May thla atanga December thla thleng khan Serchhip District-ah chhungkaw 1,261 ten an Vawk chanin Vawk thi 3,499 a awm a, ASF hri leng hi Mizoram State Disaster Management Authority chuan kum 2024 chhung atan State Specific Disaster-ah a puan avangin kum 2024 chhunga ASF avanga Vawk thi neitute hnenah hian State Disaster Response Fund (SDRF) atangin zângnadawmna pek theih an ni a, chutihrual erawh chuan he ruahmanna hnuaiah hian hri leng avanga Vawk suat te erawh zangnadawmna hi pek theih a ni lo thung a, hei vang hian ASF avanga Vawk thi neitute hnenah hian zângnadawmna pekchhuah niin vawk thi pakhatah Rs. 4,000/- zel pek an ni a, chhungkaw pakhat tan Vawk 6 thleng chauh zângnadawmna hi pek theih an ni a, hei vang hian Serchhip District-a vawk thi report 3499 atang hian Vawk 2827-ah chauh zângnadawmna hi pekchhuah a ni.
Serchhip District-ah hian ASF vanga vawk thi te hnena zângnadawmna sem hi Deputy Commissioner Office atangin vawk neitute Bank account-ah thun a ni a, zângnadawmna hi tum li (4) pekchhuah niin, tum khatna leh tum hnihna ah hian cheng nuai 105.40 pekchhuah a ni a, a tum 3-na leh tum 4-naah hian cheng nuai 7.68 pekchhuah leh a ni a, sum release hnuhnun ber hi November ni 15, 2025 khan Serchhip DC chuan release order a tichhuak a ni.
Hetihlai hian Vawk suat (culling)-ah erawh zângnadawmna pek a la ni lo a, vawk suat tana zângnadawmna hi chu sawrkar laipuiah dil a nih avangin a thlen chin an hriat loh thu AH & Vety Department thawktute chuan an sawi a, ASF hri leng thawh thumnaah hian Serchhip District-ah vawk suat 7091 awmin, hei hi chhungkaw 1262 te vawk an ni. Serchhip District-ah hian ASF hri leng thawh lina, kumin-a leng ah Vawk thi leh suat chhinchhiah a awm lo a ni.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!