High Level Task Force thutkhawm ah CM a tel

Ministry of DONER hnuaia din, High Level Task Force on Infrastructure & Connectivity in NE Region chuan nimin khan Online hmanga thut-khawm neiin Chief Minister Lalduhoma pawhin a Office atangin a lo zawm a. Task Force Convener leh Tripura Chief Minister Manik Saha chuan State hrang hrangten Infrastructure leh Connectivity lama hmalakna tur an a thehluh report a pe a, Member ten rawtna an neih te an sawifiah bawk. He hunah hian Chief Minister Lalduhoma chuan Mizoram Road density chu India rama a hniam ber a nih avangin kawngpui tam zawk mamawhna a nasat thu a sawi a. Hmarchhak tana boruak (Air) lama inkalpawhna tam zawk leh Airport tam zawk a tulna te, Inland Water Ways tha neih a tulna te, Rel leh Highways inthlunzawm tha leh a awmsa te tangkai zawka hman theih tura siam chungchang te, Internet connection tha, ramri khuate thlenga thlunzawm a tul ziate a tarlang a ni.